أنا مش لبانه

أنا مش لبانه
*********
مش خلاص قلتِ ببعد
سايبه صورتك ليه معايا
خدي صورتك قبل منك
هي دي نهاية الحكاية
ولا شايفاني
لبانه جوة بوءك
بس احبك تمضغيها
ولو فكرت بس أعاتبك
أوام عـ الأرض وترميها
فاكره يعنى مش هـقدر
أبعد ؟
ولا هلزق في كعب رجلك
لما تدوسيها ؟
كنتِ تبكي أجي واجري
تحت رجلك
كان وضوئي بدموع
عينيكِ لما تبكي
أسجد واصلي وفى صلاتى
أدعى ربى بس ترضي
بس وحياتك خلاص
مش هبقى واحد من عبيدك
ولو مليتي بحور بدمعك
خلي دموعك وأشربيها
وأنا هـتيمم من أي أرض
أي أرض
مداستش رجلك يوم عليها
وأبقي شوفي لبانه تانية
لو لقيتي ...؟!
أتسلى بيها
تنفخيها
ترقعيها
بس عمرك.... ما هتلاقيني
لعبة تانى بين أيدك و تكسريها
ياسين عبد الوهاب السيد
*********