*** همسة وطرفة عين ***

عامي حر مقفى
على وزن إيقاعي
-------

*** همسة وطرفة عين ***
----------------------
همسة وطرفة عين
مع ضحكة خلوني
تايه مابين شطين
والموج بيرميني
أروح لفين ولمين ؟
يا مين .. ينجيني ؟
نشفت دموع العين
والبعد .... كاويني
قلبي. وحيد مسكين
دايما... ب يشكيني
مجروح بقالو سنين
وحبيبي .. مجافيني
محتاج لنظرة عين
من تانى .... تحييني
كنا زمان... حبيبين
دلوقتي راح منى
يكتب يا دوب سطرين
ويقو ل مفارقني
جاب الآسية منين
طول عمره كان جنبي
بكرة ينام ندمان
ندمان على هجري
لما الحقيقة تبان
ولحضني يرجعلى
وأقول خلاص يا زمان
ويا حزنٌ .... ودعني
دا حبيبي بر أمان
م الغربة راجعلي
وهـ بوس إيديه الاتنين
وهـ قولة سامحني
واقفل عليه الرمشين
ويسكن كمان قلبي
واعلم العاشقين
إزاي يكون حبي
عنتر(ة) راجع بحصان
لعبلة من تانى
أنا مش خاين وجبان
أنا سيفي عنواني
فارس بين العُربان
ولا غيرك بيقواني
أكون أسير فرحان
لو أنتِ الـ أسراني
نظرة وطرفة عين
دي عنيكِ أسراني
ياسين عبد الوهاب السيد