يا صاحبي

نظم منسجم من فن الواو
ونتذكر شا عرنا الجميل
محمد خربوش رائد شعر «الواو»

أ/* عبد الستار سليم
أ/* خالد حلمي
وغيرهم من عمالقة هذا اللون الجميل صعيدي الأصل

بعنوان يا صاحبي

*******************

يا صاحبي والناس معادن

تتعرف وقت الشدايد

لقيتك صفيح ولاين

بتصدي قبل الحدايد

*************

يا صاحبي وهمومك جبال

هتفضل تشيلك كتافي

ولو كتف من كتافي مال

أفضل بعيد ومتعافي

*******
يا صاحبي وعدٌ الجمايل

عمرنا ما يوم أ فترقنا

المال ده مسيره وزايل

وإحنا مسيرنا لبعضنا

********
يا صاحبي الأسد لو نام

تتلم عليه الديابة

وأنا عايزك صياد همام

دنيانا دي وحوش وغابة

********
يا صاحبي وعلى الغدر ناوي

أفتكر يوم أتعهدنا

الكلب حيوان بس وافى

وانت بتنسى وعُدنا

**********
يا صاحبي ما عدت قادر

أقبل بذل الخيانة

ياريتك لقلبي تغادر

كفانا ذل ومهانة

***********

ليه بتنكر عيش ِ وملحِ.... ( عيشي وملحى )

وبتخبى كمان الحقايق ..... ( الحقائق)

من نخلى جبتلك بلحِ ..... ( بلحى )

شمت فينا الخلايق ....... ( الخلائق)

ياسين عبد الوهاب السيد