****** يا ناس ****

****** يا ناس ****
ياناس ع الناس ومحسوبة
أسامي وبس مكتوبة

راسمين بضحكة وشكم
ودى كذبة ومكشوفة
وقلوب ملاها السواد
مسدودة مقفولة
الزرعة نبت شيطان
الطرح إيه غير غاب
ناشف ملوش عوزه
****وناس******
تحب الذنوب
وتكره التوبة
ولا راحمين العباد
م النم والغيبة
ولغيرها تزيد ظلمها
فرحانة مبسوطة
دول محسوبين ع البشر
والحسبة مغلوطة
إزاى ميزان يتوزن
والكفة مقلوبة
دول باعوا بأرخص
ثمن قلوب شارية وبريئة
يالي سكنتُ القصور
من دم الغلابة
نسيت ُ ليه القبور
ده الأرض قلابة
يا نا س وناسية الكفن
قماش وخالي الجيوب
المال مسيره العدم
وبأية يفيد الندم بعد
الأجل ؟
غير العمل .. يوم القيامة
سبحانه ربى إذ...حكم
ترجع قلوبكم بشر
وبيقبل التوبة
ياسين عبد الوهاب السيد