يا خلق الدنيا دي محطة
*********
ناس في الدنيا منسية
مطحونة عشان لقمة
وناس تشبع بتتعالي
فاكرينا عبيد في وسية
بتنسي أصلها وجوعها
وبتداري أصلها بهدمة
يا خلق الدنيا دي محطة
الكل نازل وفايتها
لمين بنلم ونحوش
مدام في الأخر بنسيبها
ياريت فيكِ صاحب ليا
يا خد يدي من غير غش
صحيح دي دنيا قلابة
بتتلون بمليون وش
بقينا وحوش علي ديابة
نبيع برخيص وسهل نغش
لا بنرحم فينا الغلابة
ولا بجوعهم كمان بنحس
سابنا و راح زمن الطيابة
أدانا ظهرة ولف الوش
قال مش راجع تاني
حيا تكم واعتبروني
من غير وش
ياســـــ عبد الوهاب ـــين السيد
ليست هناك تعليقات:
إرسال تعليق