مداعبة عامية حر الشاعر الراقي هاني الحوت وياسين عبد الوهاب السيد

مداعبة عامية
حر
الشاعر الراقي هاني الحوت
وياسين عبد الوهاب السيد
- هــــــــــــــــــــــــ الحوت ـــــــــــــــــــــــــــا نى
حد فاهم
عايز اكتب اي حاجه
غير كلام اي حد
كلمتين كده دوبل ساده
يتحكوا للناس بجد
قولت افكر اكتب ايه
وسط بحر عملت سد
حد فاهم قصدي ايه
دا جبل واتهد هد
وسط زحمه لقيت عنيه
وبأيديه ليا مد
هو حلم ومش ناسيه
والا انا صاحي بجد
يا حروف ردي عليه
قولي أنه ياما خد
وأسألي الارقام عليه
مره يرخي وألف شد
شوف كلامي واشتريه
بس اوعي تقول لحد
استحاله هتفهموني
دا كلام يتعد عد
هما مين اللي باعوني
والي اخلف كان وعد
هو فين انا مش لاقيه
هو بكره والا غد
حد فاهم قصدي ايه
لو انت فاهم يالا رد
4/4/2015
هاني الحوت
*****
يـــــــــــــــــــــــــــــــ عبد الوهاب ــــــــــــــــــــــــــــــــــاسين
لوبتسأل حد فاهم ؟
عايز تكتب يلا أكتب
حد كان ماسك أيديك
بس تشرب قهوة سادة
عشان تركز تكتب أيه
الحروف دى زاي بحر
وكل بحر نهايته شط
أنت فاهم قصدي إيه
إزاى بطين تبنى سد ؟
وعايزه يستحمل سنين
أدى حبة ريح قامت بجد
إنهار عليك و أتهد هد
وساب إيديك لأي حد
يحس بيك وليك يمد
أو تتوه وسط الزحام
وتبقى ذكرى أو خيال
والحروف تشهد عليك
لما تدى تقول بكام
وتحب تاخد وتقول بتدى
راجع حسابك وشوف
كتابك طول عمري
برخي عشان تشد
وياريته نافع
يالى فرحان بالكلام
أدى الكفة والميزان
حط الكلام وأوزنه
وريني ازاى يتوزن
بعدين تبيعه وتشترى
نصيحة منى وخدها
جد..... الكلام عمره ما يتعد
ولو حبيت تانى تبنى سد
تروح لحد وتسأله
ياسين عبد الوهاب السيد